Qytaı kıberalaıaqtarǵa qarsy halyqaralyq odaq qurý týraly bastama kóterdi
ASTANA. KAZINFORM – Qytaı telekommýnıkatsııa jáne kıberalaıaqtyqqa qarsy kúres jónindegi halyqaralyq odaq qurý týraly bastama kóterdi, dep habarlaıdy Kazinform agenttiginiń Beıjińdegi tilshisi Xinhua-ǵa silteme jasap.
Juma kúni ótken baspasóz máslıhatynda QHR Qoǵamdyq qaýipsizdik mınıstrligi Alıansty iske qosý 2026 jyldyń qyrkúıegine josparlanǵanyn habarlady. Qurylý rásimi Tszıansý provıntsııasynyń Lıanıýngan qalasynda qoǵamdyq qaýipsizdik salasyndaǵy yntymaqtastyq jónindegi jahandyq forým aıasynda ótedi.
- Odaq álemniń túkpir-túkpirinen quqyq qorǵaý organdarynyń qatysýymen úkimetaralyq uıymǵa aınalady. Onyń maqsaty telekommýnıkatsııa jáne ınternet salasyndaǵy transulttyq alaıaqtyqpen tıimdi kúresý bolady, - dep atap ótti QHR MOB qylmystyq izdestirý basqarmasynyń bastyǵy Tszıan Golı.
Onyń aıtýynsha, qazir 40-tan astam el alıansqa qosylýǵa daıyn ekenin bildirdi.
Tszıan Golı alaıaqtyq baılanys ortalyqtarynyń basym kópshiligi qazir QHR-dan tys jerde ornalasqanyn atap ótti. Vedomstvo mundaı qylmystardyń jolyn kesýdi aldaǵy bes jylǵa basymdyqqa aınaldyrdy.
Sońǵy jyldary Qytaı 30-dan astam elmen osy saladaǵy yntymaqtastyqty jandandyrdy. Jyl basynan beri Kambodja, Laos, Taıland, Vetnam, Malaızııa, Indonezııa, Shrı-Lanka jáne basqa memlekettermen birlesken áreket nátıjesinde 20 myńnan astam kúdikti qamaýǵa alynyp, elge qaıtarylǵan.
Aıta keteıik, Qytaı emotsıonaldy táýeldilik qaýpine baılanysty JI seriktesterin shekteıdi.
