Qytaı teńiz arqyly kezekti «Tszelýn-3» zymyran-tasyǵyshyn ushyrdy
ASTANA. KAZINFORM — Qytaı jeksenbi kúni teńizden «Tszelýn-3» /Smart Dragon-3/ zymyran-tasyǵyshynyń kómegimen CentiSpace-02 spýtnıkter tobyn ǵaryshqa sátti jiberdi, dep habarlaıdy Sınhýa.
Ushyrylym Taııýan spýtnık ushyrý ortalyǵy arqyly Shyǵys Qytaıdaǵy Shandýn provıntsııasynyń Haııan qalasy mańyndaǵy teńiz akvatorııasyndaǵy platformadan Beıjiń ýaqyty boıynsha 23:49-da júzege asyryldy.
Barlyq spýtnıkter josparlanǵan orbıtaǵa sátti jetkizildi.
Eske salsaq, osyǵan deıin aqpan aıynda Qytaı teńizden «Tszelýn-3» /Smart Dragon-3, SD-3/ zymyran-tasyǵyshyn sátti ushyryp, jeti spýtnıkti, sonyń ishinde Pákistannyń PRSC-EO2 spýtnıgin orbıtaǵa shyǵarǵanyn jazǵanbyz.
Sonymen qatar, qańtarda Qytaıdyń Hanchjoý qalasynda qaıtarylatyn jáne qaıta paıdalanylatyn zymyrandar shyǵaratyn alǵashqy óndiristik bazanyń qurylysy bastaldy. Joba iske qosylǵannan keıin jylyna 25 zymyran óndiredi dep josparlanǵan.
