Qytaı qazaqtarynyń kóshpendi ómiri týraly fılm Qazaqstanda prokatqa shyǵady
ASTANA. KAZINFORM – Qytaıdaǵy kóshpendi qazaqtardyń ómiri týraly «Ómir aǵysynda (Fade Away Pastoral)» fılmi Qazaqstanda prokatqa shyǵady.
Kino.kz saıtyndaǵy aqparatqa sáıkes, fılm 30 mamyr kúni kórsetile bastaıdy.
Buǵan deıin habarlaǵanymyzdaı, «Ómir aǵysynda» fılmi Little Monster Entertainment medıa kompanııasynyń qoldaýymen, Eýropadaǵy arnaıy kórsetilimin bastaǵan bolatyn.
Aıta keterligi, «Ómir aǵysynda» fılmi 2018 jyly Qytaıda alǵash kórsetilip, 2019 jyly 12 sáýirde prokatqa shyqqan. «Úzdik kınematografııa», «Úzdik týyndy», «Úzdik er akter» jáne «Úzdik aýyl taqyrybyndaǵy fılm» nomınatsııalaryn jeńip alǵan.
Fılm urpaqtan-urpaqqa jalǵasqan Qytaı qazaqtarynyń kóshpendi ómirin taqyryp etip, olardyń sońǵy 40 jyldaǵy tirshiligindegi ózgeristerdi, shynaıy derekterdi jáne jartylaı sıýjettik ádisti paıdalana otyryp sýretteıdi.
Sondaı-aq, jyldyń tórt mezgiliniń aýysýy prozalyq baıandaý men poetıkalyq kıno tili arqyly, malshylardyń qýanyshy men muńyn aıshyqtap, kórermenge tabıǵattyń ásem kórinisin usynady.
Fılmniń basty jáne qosymsha rólderin derlik qazaq akterler somdaǵan.
Al 4 jylǵa sozylǵan túsirilimge 10 myńǵa jýyq qarapaıym qazaq turǵyndar qatysyp, 300 myńǵa jýyq mal paıdalanyldy.
