Qytaı qazaqtarynyń kóshpendi ómiri týraly fılm Eýropada kórsetiledi
ASTANA. KAZINFORM – Qytaı qazaqtarynyń kóshpendi ómiri týraly «Ómir aǵysynda (Fade Away Pastoral)» atty fılm Berlınde kórsetildi.
Shinanews.com.cn saıtynyń habarlaýynsha, fılm «Little Monster Entertainment» medıa kompanııasynyń qoldaýymen, Eýropadaǵy arnaıy kórsetilimin bastaǵan.
Kórsetilimnen keıin, kóptegen Eýropalyq kórermen Shyńjań týraly fılmdi alǵash ret kórip, kóshpendi qazaqtar ómirimen alǵash ret tanysyp otyrǵanyn aıtty.
Aıta keterligi, «Ómir aǵysynda» fılmi 2018 jyly qytaıda alǵash kórsetilip, 2019 jyly 12 sáýirde prokatqa shyqqan. «Úzdik kınematografııa», «Úzdik týyndy», «Úzdik er akter» jáne «Úzdik aýyl taqyrybyndaǵy fılm» nomınatsııalaryn jeńip alǵan.
Fılm urpaqtan-urpaqqa jalǵasqan qytaı qazaqtarynyń kóshpendi ómirin taqyryp etip, olardyń sońǵy 40 jyldaǵy ómirindegi ózgeristerdi shynaıy derekterdi jáne jartylaı sıýjettik ádisti paıdalana otyryp sýretteıdi. Sondaı-aq, jyldyń tórt mezgiliniń aýysýy prozalyq baıandaý men poetıkalyq kıno tili arqyly, malshylardyń qýanyshy men muńyn aıshyqtap, kórermenge tábıǵattyń ásem kórinisin usynady.
Sondaı-aq, fılmniń basty jáne qosymsha rólderin derlik qazaq akterler somdaǵan. Al 4 jylǵa sozylǵan túsirilimge 10 myńǵa jýyq qarapaıym qazaq turǵyndar qatysyp, 300 myńǵa jýyq mal paıdalanyldy.
