Qytaı qazaqtary mekendeıtin Kóktoǵaı ólkesiniń negizgi tabys kózi — týrızm
Qytaıdyń Altaı aımaǵynda júrgen Ortalyq Azııa jáne Reseı jýrnalısteri Kóktoǵaı aýdanyna bardy, dep habarlaıdy Kazinform.
Kóktoǵaı Úrimji qalasynan 480 shaqyrym qashyqtyqta ornalasqan. QHR-nyń eń sýyq, yzǵarly aýdandarynyń biri.
Halyq sany — 100 myńǵa jýyq. Onyń basym bóligi — qazaqtar.
Sońǵy jyldary óńirde kásipkerlik pen týrızm salasy qarqyndy damyp keledi.
Jergilikti turǵyndar kásip ashýǵa mashyqtanǵan.
Biri qolóner tsehyn ashsa, endi biri iri kásiporyndardy iske qosqan.
Jergilikti turǵyndar 100 paıyz jumyspen qamtylǵan.
Óńirdiń negizgi tabys kózi — týrızm.
Kóktoǵaıda ózimen attas tanymal taý shańǵy kýrorty bar.
Joldary álemdegi eń kúrdeli trassalar qatarynda. Teńiz deńgeıinen 3200 metr bıikte ornalasqan.
Qardyń qalyńdyǵy 3-4 metrge deıin jetedi.
Uzyndyǵy 121 shaqyrym bolatyn 80 syrǵanaý joly bar.
Týrıster joǵaryǵa aspaly jol arqyly jetedi.
Sapar barysynda BAQ ókilderi shańǵy teýip, snoýbordpen syrǵanady.
Aıta keteıik, Kóktoǵaı — alty alashqa aty málim Ospan batyr dúnıege kelgen ólke.
Ortalyq Azııa jáne Reseı buqaralyq aqparat quraldarynyń ókilderine uıymdastyrylǵan Altaı aımaǵyndaǵy baspasóz týry aıaqtaldy.
