Qytaı Qazaqstannyń aeroǵarysh salasyna qaıtarymsyz granttar bólmek
ASTANA. KAZINFORM – Qytaı tarapynan bólinetin granttar ǵaryshtyq tehnıka men tehnologııalardy damytýǵa baǵyttalady.
Bul týraly Tsıfrlyq damý, ınnovatsııalar jáne aeroǵarysh ónerkásibi mınıstrligi Aeroǵarysh komıtetiniń tóraǵasy Baýbek Oralmaǵambetov málim etti.
«Qytaı tarapymen tehnıka salasynda yntymaqtastyqty kúsheıtý boıynsha úkimetaralyq kelisimge qol qoıyldy. Osy kelisimniń aıasynda birneshe memorandým jasaldy. Oǵan sáıkes Qytaı tarapynan 100 mln ıýan kóleminde qaıtarymsyz granttar bólinedi. Ol granttar ǵaryshtyq tehnıka men tehnologııalardy damytýǵa arnalǵan. Ol degenimiz astrofızıka, ıonosfera ǵylymı ınstıtýttarymyzdyń ınfraqurylymy jańartylady. Sol arqyly astrofızıka jáne basqa da salalardy jetildiremiz dep otyrmyz. Qytaı ǵarysh salasyndaǵy úlken derjava, qaıtarymsyz granttar otandyq ǵarysh salasyn damytýǵa áser etedi dep senemiz», - dedi Baýbek Oralmaǵanbetov vedomstvoda ótken brıfıngi barysynda.
Onyń aıtýynsha, granttar baıqaý arqyly taǵaıyndalady.
Eske sala keteıik, 2 shildede QHR Tóraǵasy Sı Tszınpın Astanaǵa memlekettik saparmen keldi.
Sondaı-aq, Memleket basshysy Qasym-Jomart Toqaev Qazaqstan men Qytaı bilim, ǵylym, týrızm salasynda birlesken jobalar jasaıtyny týraly aıtqan edi.
