Qytaı Qazaqstanmen jasandy ıntellekt salasynda yntymaqtastyqty damytpaq

ASTANA. KAZINFORM – Qytaı elimizben saýda, ınvestıtsııalar, energetıka, ınfraqurylym, sondaı-aq jasandy ıntellekt, tsıfrlyq ekonomıka jáne jańa energııa salalary boıynsha yntymaqtastyqty damyta túsýge nıetti. Bul týraly atalǵan eldiń Syrtqy ister mınıstri Van I málim etti. 

«Búgin biz maǵynaly, praktıkalyq jáne tıimdi kelissóz júrgizdik. Eki el arasyndaǵy saıası ózara senim nyǵaıyp keledi, el qıyndyqtarǵa tap bolǵan kezde qoldaý kórsetemiz. Sońǵy ýaqytta Qazaqstan iri sý tasqynyna tap boldy. Baýyrlas kórshi jáne strategııalyq seriktes retinde Qytaı qalpyna keltirý jumystaryna odan ári kómek pen qoldaý kórsetýge daıyn», - dedi Van I elordaǵa resmı sapary barysynda.

Qytaı Syrtqy ister mınıstriniń málimdeýinshe, ekijaqty ónerkásiptik yntymaqtastyqtyń nátıjesinde iske asyrylǵan 45 jobanyń ishinde búginde 26 joba aıaqtaldy. Ol jobalar metallýrgııa, energetıka, mashına jasaý salalaryn qamtıdy.

«Bizdiń munaı-gaz jáne atom energetıkasy salasyndaǵy yntymaqtastyǵymyz jedel qarqynmen ilgerileýde. Biz saýda, ınvestıtsııalar, energetıka, ınfraqurylym, sondaı-aq jasandy ıntellekt, tsıfrlyq ekonomıka jáne jańa energııa sııaqty dástúrli salalarda yntymaqtastyqty damytýǵa daıynbyz», - deıdi ol.

Buǵan deıin Van I Qytaıdyń elimizdegi sý tasqynymen kúreske kómekti jalǵastyratynyn málimdegen edi.