Qytaı Qazaqstanda taǵy birneshe energetıkalyq jobany iske asyrady
ASTANA. KAZINFORM — Qytaılyq kompanııalar Qazaqstan aýmaǵynda birneshe jel elektr stantsııasyn salady. Bul jaıynda Energetıka mınıstrliginiń alqa májilisinde aıtyldy.
— 2026 jyly jańartylatyn energııa kózderinen elektr qýatyn óndirýge arnalǵan birneshe joba qolǵa alynady. Jıyntyq qýaty 245,8 MVt bolatyn 10 joba iske asyrý kózdelip otyr. Qazaqstan Respýblıkasynyń Úkimeti men qytaılyq ınvestorlar arasynda energııa jınaqtaý júıeleri bar jel elektr stansalaryn salý baǵytyndaǵy kelisimderge qol qoıylady. 2040 jylǵa deıingi sýtegi energetıkasyn damytý tujyrymdamasyn ózektendiremiz. «Balamaly energııa kózderi týraly» Zańdy qabyldaý josparlanǵan, — dedi ol.
Erlan Aqkenjenov byltyr Qazaqstanda alǵash ret úlken qýatty jel stantsııasyn iske asyrý baǵytynda aýktsıon ótip, Qytaıdyń halyqaralyq kompanııasymen iri kún elektr stantsııasyn salý týraly kelisim jasalǵanyn eske saldy.
Buǵan deıin, mınıstr Erlan Aqkenjenov Qarashyǵanaq gaz óńdeý zaýytynyń jobalyq qujattaryn ázirleý bastalǵanyn málim etti.
Sonymen qatar, elimizde 17 myń shaqyrymnan astam elektr jelisi jańartylatyny belgili boldy.