«Qytaı — Qazaqstan — Ózbekstan — Aýǵanstan» baǵytyndaǵy alǵashqy konteınerlik poıyz jolǵa shyqty
TAShKENT. KAZINFORM — «Qytaı — Qazaqstan — Ózbekstan — Aýǵanstan» baǵyty boıynsha alǵashqy konteınerlik poıyz jolǵa shyqty, dep habarlaıdy Kazinform agenttiginiń Tashkenttegi menshikti tilshisi.
O’ztemiryo’lkonteyner kompanııasynan málim etkendeı, 50 konteıner tıelgen quram Qytaıdyń birneshe stantsııasy, Qazaqstan jáne Ózbekstan aýmaǵy arqyly Aýǵanstanǵa ótedi. Júkterdiń qatarynda keńse taýarlary, kún panelderi men matalar bar.
Jańa baǵyt taýar tasymalyn jeńildetip, aımaqtyń tranzıttik rólin kúsheıte túspek. Josparǵa saı, kelesi poıyz 30 mamyrda jolǵa shyǵady.
Buǵan deıin Qazaqstanda konteınerlik tasymal kólemi artqanyn jazyp edik.
Sonymen qatar Transkaspıı baǵytynda konteınerlik tasymal kólemi jylyna 300 myń jıyrma fýttyq ekvıvalentke jetkiziledi.
