14:53, 09 Qyrkúıek 2024 | GMT +6
Qytaı qazaǵy aralas jekpe-jekte qarsylasyn jeńip, $140 myń enshiledi
ASTANA. KAZINFORM – Qytaılyq ulty qazaq MMA sheberi Nartaı Qyzyrbaıuly kásipqoı mansabyndaǵy eń úlken jekpe-jeginde jeńiske jetti.
Qandasymyz Qytaıdaǵy eń tanymal JUE CHENG KING atty erejesiz jekpe-jek básekesinde óner kórsetip, tıbet ultynan shyqqan tanymal faıter Zy Ýańmen sheberlik baıqasty.
5 raýndtyq jekpe-jek qorytyndysynda Nartaı qarsylasyn aıqyn basymdyqpen jeńip, 1 mıllıon ıýan (140 myń dollar) syıaqy ıelendi.
Aıta keteıik, Nartaı Qyzyrbaıuly Qytaıdyń Іle Qazaq avtonomııaly oblysyndaǵy Kúnes aýdanynda dúnıege kelgen.
23 jastaǵy faıter kásipqoı mansabynda 8 jekpe-jek ótkizip, barlyǵynda jeńiske jetken.
Eske sala keteıik, buǵan deıin qazaqstandyq sportshy Sadrıddın Ahmedovtiń AQSh-taǵy aıqasy nokaýtpen aıaqtalǵanyn habarlaǵan edik.
