Qytaı qaýipsizdiktiń teńgerimdi arhıtektýrasyn qurýdy usyndy
ASTANA. KAZINFORM — Qytaı úkimeti álemde qaýipsizdiktiń neǵurlym tıimdi ári teńgerimdi arhıtektýrasyn qalyptastyrýdy usynyp otyr, dep habarlaıdy TASS.
Bul týraly Qytaı Halyq Respýblıkasynyń Qorǵanys mınıstri Dýn Tszıýn Sıanshan qaýipsizdik forýmynyń ashylý rásiminde málimdedi.
— Teńgerimdi, tıimdi ári turaqty óńirlik qaýipsizdik arhıtektýrasyn qalyptastyrý qajet. Ol barlyq elderdiń qaýipsizdik salasyndaǵy oryndy alańdaýshylyqtaryn eskerýi tıis, — dedi mınıstr.
Dýn Tszıýn atap ótkendeı, qaýipsizdiktiń jańa arhıtektýrasy damýshy elderdiń múddelerin de eskerýi qajet.
Aıta keteıik, Qorǵanys mınıstriniń orynbasary Asqar Mustabekov Beıjińdegi Sıanshan qaýipsizdik forýmyna qatysyp jatyr.
