Qytaı Kanada azamatyna qatysty ólim jazasy úkiminiń kúshin joıdy
ASTANA. KAZINFORM – Qytaı Halyq Respýblıkasynyń Joǵarǵy halyq soty esirtki kontrabandasy úshin sottalǵan Kanada azamatyna qatysty ólim jazasy týraly úkimniń kúshin joıdy, dep habarlaıdy South China Morning Post.
QHR Syrtqy ister mınıstrliginiń resmı ókili Lın Tszıan dúısenbi kúni ótken baspasóz máslıhatynda sot organdarynyń táýelsiz áreket etetinin jáne sheshim ulttyq zańnamaǵa qatań sáıkes qabyldanǵanyn atap ótti.
Kanada Syrtqy ister mınıstrligi Qytaı tarapynyń sheshimi týraly habardar ekenin rastady.
Vedomstvo Robert Lloıd Shellenberg pen onyń otbasyna konsýldyq qoldaý kórsetýdi jalǵastyratynyn málimdedi, alaıda istiń mán-jaıyna qatysty jan-jaqty túsinikteme berýden bas tartty.
Eske salaıyq, Robert Lloıd Shellenberg 2014 jyly ustalǵan. 2018 jyly ol 15 jylǵa bas bostandyǵynan aıyrylǵan edi. Alaıda 2019 jyly apellıatsııadan keıin jaza ólim jazasyna aýystyrylǵan.
Gonkong basylymynyń jazýynsha, úkimdi qaıta qaraý Kanada men Qytaı arasyndaǵy dıplomatııalyq qatynastardyń birtindep qalypqa kelýi jáne Ottava men Pekın arasyndaǵy joǵary deńgeıdegi dıalogtyń qaıta jandanýymen tuspa-tus kelip otyr.
Buǵan deıin Kanada premer-mınıstri segiz jyldyq úzilisten keıin Qytaıǵa alǵash ret resmı saparmen baratyny habarlanǵan bolatyn.