Qytaı qaǵaz poıyz bıletterinen bas tartty
ASTANA. KAZINFORM — Qytaı 1 qazannan bastap elektrondy poıyz bıletterine tolyǵymen ótti, dep habarlaıdy jergilikti BAQ.
Shyǵyndardy óteý maqsatynda qaǵaz bıletter tolyǵymen 12306 resmı qyzmeti arqyly beriletin elektrondy shot-faktýralarǵa aýystyryldy.
Temirjol vedomstvosy egde jastaǵy jolaýshylar men ınternet qoldanbaıtyn adamdarǵa yńǵaıly bolý úshin óz-ózine qyzmet kórsetý termınaldarynda baǵyttyq qaǵazdardy basyp shyǵarý qyzmetin usynýdy jalǵastyrady. Onda jóneltý ýaqyty, poıyz nómiri jáne oryn týraly málimet kórsetiledi. Bul sapar týraly aqparattyń úırenshikti formatyn saqtaýǵa múmkindik beredi.
Qytaıda qaǵaz bıletterinen bas tartý protsesi 2018 jyly, jekelegen jelilerde elektrondy bıletterge arnalǵan pılottyq joba iske qosylǵan kezde bastaldy. 2020 jyldyń maýsym aıynda bul tájirıbe eldiń barlyq dástúrli temirjol jelisine taraldy.
Buǵan deıin Astana ákimi LRT poıyzdaryn iske qosý ýaqyty men jol aqysyn málim etken jazǵan edik.