Qytaı, Iran jáne Reseı SІM ókilderi Beıjińde Irannyń ıadrolyq máselesin talqylaıdy
ASTANA. KAZINFORM – 14 naýryzda Beıjińde Qytaı, Reseı jáne Iran arasynda Irannyń ıadrolyq máselesi boıynsha úshjaqty kezdesý ótedi. Bul týraly sársenbi kúni QHR Syrtqy ister mınıstrliginiń resmı ókili málimdedi.
Qytaı Syrtqy ister mınıstrligi ókiliniń aıtýynsha, aldaǵy kezdesýge qatysýshylar Irannyń ıadrolyq máselesi jáne ózara múddeni bildiretin máseleler boıynsha pikir almasady. Kezdesýge Qytaı tarapynan QHR Syrtqy ister vıtse-mınıstri Ma Chjaosıýı qatysady.
Xinhua habarlaýynsha, Beıjińdegi kezdesýge sondaı-aq Reseı Syrtqy ister mınıstriniń orynbasary Sergeı Rıabkov pen Iran Syrtqy ister mınıstriniń orynbasary Kazem Garıbabadı qatysady dep kútilip otyr.
Buǵan deıin Tramp Irandy ıadrolyq qarýdan bas tartý boıynsha kelissózge shaqyrǵany týraly jazdyq.