Qytaı ınternetke arnalǵan jerserikterdiń 29-shy tobyn orbıtaǵa shyǵardy

ASTANA. KAZINFORM — Qytaı dúısenbi kúni «Chanchjen-12» zymyran tasyǵyshymen tómengi orbıtada Jerdi aınalyp júretin, ınternetke arnalǵan jerserikterdiń 29-shy tolqynyn ushyrdy, dep habarlaıdy Kazinform agenttiginiń menshikti tilshisi Qytaıdyń aeroǵaryshtyq ǵylym jáne tehnologııa korporatsııasyna silteme jasap.

Kıtaı vpervye pýstıt ınostrantsa na svoıý kosmıcheskýıý stantsııý
Foto: Xinhua

Zymyran Beıjiń ýaqyty boıynsha tańǵy saǵat 4:24-te eldiń ońtústigindegi Haınan aralyndaǵy kommertsııalyq zymyran alańynan ushyryldy. Spýtnıkter belgilengen orbıtalarǵa ornalastyryldy.

Chanchjen serııasynyń zymyran tasyǵyshtary osymen 676 ret ǵaryshqa ushyp otyr.
Uzyndyǵy shamamen 62 metr bolatyn eki satyly «Chanchjen-12» zymyrany 700 shaqyrym bıiktiktegi orbıtaǵa keminde 6 tonna paıdaly júkti shyǵara alady.

Buǵan deıin Qytaı AI tehnologııasymen jabdyqtalǵan eki spýtnıkti orbıtaǵa shyǵarǵanyn habarlaǵan edik.

Jýyrda Úndistan da salmaǵy 2 tonnadan asatyn navıgatsııalyq jerserikti orbıtaǵa shyǵardy.