Qytaı halqynyń sany ekinshi jyl qatarynan qysqaryp keledi

ASTANA. KAZINFORM – Qytaı turǵyndarynyń sany 2023 jyly 2 mln adamǵa qysqardy, dep habarlaıdy Anadoly aqparat agenttigi.

QHR Memlekettik statıstıka basqarmasy jarııalaǵan málimetterge sáıkes, 2023 jyly Qytaı turǵyndarynyń sany 1 mlrd 409 mln adamdy quraǵan. Bul 2022 jylmen salystyrǵanda 2,08 mln-ǵa az.

Atap ótilgendeı, halyq sany ekinshi jyl qatarynan azaıyp keledi.

Osylaısha, 2022 jyly Qytaıdaǵy halyq sany 1960 jyly elde bolǵan qurǵaqshylyq pen ashtyqtan keıin alǵash ret qysqarǵan.

2023 jyly Qytaıda 9,56 mln bala týylyp, 11,1 mln adam qaıtys boldy.

Elde bala týý kórsetkishi 1949 jyly halyq sanaǵy júrgizilgennen beri (bir myń adamǵa shaqqanda 6,39) eń tómen deńgeıge túsken. 2022 jyly Qytaıda týý kórsetkishi bir myń adamǵa shaqqanda 6,77-ge deıin tústi.