Qytaı halqy 2025 jyly 3,39 mıllıonǵa azaıdy

ASTANA. KAZINFORM — 2025 jyldyń sońynda Qytaı halqy 3,39 mıllıon adamǵa azaıyp, 1,404 mıllıardqa jetti. Tıisti derekterdi Qytaıdyń Ulttyq statıstıka bıýrosy usyndy, dep habarlaıdy Kazinform agenttiginiń menshikti tilshisi. 

2025 jyly elde 7,92 mıllıon týý jáne 11,31 mıllıon ólim tirkeldi. Halyqtyń tabıǵı ósý qarqyny 1000 adamǵa shaqqanda mınýs 2,41 boldy, bul demografııalyq qysqarýdyń jalǵasyp jatqanyn kórsetedi.

Halyqtyń jynystyq qurylymynda er adamdar basym bolyp qala beredi. 716,85 mıllıon erler jáne 688,04 mıllıon áıelder bar. Jynystyq araqatynas 104,19-dan 100-ge deıin.

Jasy boıynsha 16 jastan 59 jasqa deıingi halyq sany 851,36 mıllıon, bul jalpy halyqtyń 60,6%-yn quraıdy. 60 jastan asqan adamdar sany 323,38 mıllıonǵa (23,0%) jetti, onyń ishinde 223,65 mıllıony (15,9%) 65 jastan asqandar.

Bul statıstıkaǵa Gonkong jáne Makao arnaıy ákimshilik aımaqtarynyń, Taıvan turǵyndary nemese Qytaıda turatyn sheteldik azamattar kirmeıdi.

Aıta keteıik, Qytaı 2023 jyly halqy eń kóp el bolýdan qaldy, halyq sanynyń kóptiginen Úndistan aldyǵa shyqty.

Buǵan deıin Qytaı halyq sanynyń azaıýyn ónerkásiptik robottarmen óteıtinin habarlaǵan edik.