Qytaı halyqaralyq tsıfrlyq ıýan ortalyǵyn ashty

ASTANA.KAZINFORM - Shanhaıda resmı túrde halyqaralyq tsıfrlyq ıýan operatsııalyq ortalyǵy ashyldy, dep habarlaıdy Sınhýa.   

Ortalyqtyń ashylýy Qytaı Halyq bankiniń tóraǵasy Pan Gýnshenniń maýsym aıynda Lýtszıatszýı forýmynda jarııalaǵan jańa sharalarynyń bir bóligi. Bastama tsıfrlyq ıýannyń ınternatsıonalızatsııasyna járdemdesý, qarjy naryǵyn damytý jáne tsıfrlyq tehnologııalardaǵy ınnovatsııalardy qoldaýǵa baǵyttalǵan.

Tsınhýa ýnıversıtetiniń Ulttyq qarjylyq zertteýler ınstıtýtynyń dırektory Tıan Sıýan ortalyqtyń iske qosylýy tsıfrlyq ıýannyń damýyndaǵy mańyzdy qadam ekenin atap ótti.

- Ortalyq Qytaıdyń jahandyq qarjy júıesindegi yqpalyn ilgeriletedi jáne jahandyq transshekaralyq tólemder júıesin jetildirý úshin Qytaıdyń ashyq, ınklıýzıvti jáne ınnovatsııalyq sheshimin usynady, - dedi ol.

Ortalyqtyń iske qosylýymen birge tsıfrlyq transshekaralyq tólemder platformasy, blokcheın qyzmetteri platformasy jáne tsıfrlyq aktıvter platformasyn qosa alǵanda, úsh negizgi platforma ashyldy.

Aıta keteıik, Qytaı sheteldik IT mamandaryna arnalǵan jańa «K vızasyn» iske qosty.