Qytaı halyqaralyq kommertsııalyq ǵarysh aılaǵyn saldy

ASTANA. KAZINFORM — Qytaıdyń Haınan aralynda eldegi ǵarysh apparattaryna arnalǵan bastapqy ámbebap ushyrý alańynyń qurylysy aıaqtaldy, dep habarlaıdy China Daily. 

«Chanchjen», «Kýaıchjoý» jáne «Tszelýn» suıyq zymyran qozǵaltqyshtary (LPRE) bar zymyrandardyń 10-nan astam túri ushyrylatyn alań jyldam ushyrý rejımimen jabdyqtalǵan. Bul tıimdilikti aıtarlyqtaı arttyryp, ushyrýǵa daıyndyq ýaqytyn qysqartady. 

Belgili bolǵandaı, jańa ámbebap ǵarysh aılaǵy nebári bir jarym jyl ishinde salynǵan, jumys 2022 jyldyń qazan aıynda bastaldy.

Jańa ushyrý alańynan suıyq otynmen ushatyn zymyrannyń birinshi ushyrylymy bıyl shamalanyp otyr. 

Paıdalanýǵa berilgennen keıin tek kommertsııalyq mıssııalar úshin jasalǵan ushyrý alańy — Qytaıdyń besinshi jerústi ushyrý qondyrǵysy bolady.

Joba Qytaıdyń aeroǵarysh ǵylymı-tehnologııalyq korporatsııasy, Qytaıdyń aeroǵarysh ǵylym jáne ónerkásip korporatsııasy jáne Qytaı jerserik jelileri tobynyń qatysýymen júzege asty. 

Nysandardyń qurylysyn Qytaıdyń aeroǵarysh qurylys toby júrgizgen. 

Kommertsııalyq alańnan ózge Venchandaǵy Haınan aralynda memlekettik ǵarysh aılaǵy da bar (2009 jyly salynyp, 2016 jyly paıdalanýǵa berilgen).