Qytaı halyq sanynyń azaıýyn ónerkásiptik robottarmen óteıdi
ASTANA. KAZINFORM — Ótken jyly álem boıynsha anyqtalǵan 542 myń jańa ónerkásiptik robottardyń jartysynan kóbi qytaılyq kompanııalarǵa tıesili, dep habarlaıdy SCMP.
2024 jyly Qytaı zaýyttary 295 myń ónerkásiptik robot ornatty. Bul jańa avtomattandyrylǵan júıeler avtomobılderdiń korpýstaryn dánekerleıdi, elektrondy qurylǵylardy qurastyrady jáne aýyr júkterdi jyljytady, demografııalyq ózgeristerden týyndaǵan jumys kúshi tapshylyǵyn toltyrady.
Tsınhýa ýnıversıtetiniń Ekonomıka jáne menedjment mektebiniń professory Gao Sıýdýnnyń aıtýynsha, robottar bolashaqta qarapaıym jáne qaıtalanatyn tapsyrmalardy buljytpaı oryndaıtyn bolady. Degenmen shyǵarmashylyq jáne kúrdeli áreketter áli de adam ıntellektisin qajet etedi.
— Halyq sanynyń azaıýyna qaramastan, jumys kúshiniń bilim deńgeıiniń joǵarylaýy jáne robottardy keńinen qoldanýdyń arqasynda Qytaı ónerkásibinde básekege qabilettiligin saqtaý jáne nyǵaıtý máselesi bolmaıdy, — dep qosty ol.
2022 jyldan beri Qytaıda halyq sany qysqaryp keledi. Ótken jyly taǵy 1,39 mıllıonǵa qysqardy. Osyǵan qaramastan, el ónerkásiptik robottardyń rekordtyq sanymen maqtana alady, 2,027 mıllıon birlik, dúnıe júzindegi basqa elderden aıtarlyqtaı asyp túsedi.
Álemdegi alǵashqy JI-men jumys isteıtin suryptaýshy robot Qytaıda jasalǵanyn buǵan deıin habarlaǵan bolatynbyz.