Qytaı Germanııany ınnovatsııalyq elder reıtıngisinde basyp ozdy

ASTANA. KAZINFORM — Seısenbi kúni Qytaı Birikken Ulttar Uıymynyń jyl saıynǵy ınnovatsııalyq saıasat reıtınginde alǵash ret úzdik ondyqqa kirip, Germanııany artqa qaldyrdy, dep jazady AZERTADJ.

139 eldiń ekonomıkasyn qamtıtyn Jahandyq ınnovatsııa ındeksinde (GII), 78 kórsetkish negizinde reıtıng jasalady. Osy joly Qytaı 10-shy orynǵa taban tiredi. Al Germanııa 11-shi orynda tur.

Beıjiń zertteý jáne tájirıbelik-konstrýktorlyq jumystarǵa (NIOKR) belsendi ınvestıtsııa salyp keledi, dep jazady Reuters. 

GII málimetteri boıynsha Qytaı ǵylymı-zertteý jáne tájirıbelik-konstrýktorlyq jumystarǵa eń kóp shyǵyn salatyn elderdiń qatarynda.

Shveıtsarııa 2011 jyldan beri úzdik birinshi orynda qalyp otyr, tizimdi Shvetsııa men AQSh jalǵastyrady.

2024 jyly halyqaralyq patenttik ótinimderdiń shamamen tórtten biri Qytaıǵa tıesili boldy, bul ony eń úlken patent berýshi elge aınaldyrdy. AQSh, Japonııa jáne Germanııa — jalpy patenttik ótinimderdiń 40%-yn quraıtyn elder — sál tómendegen.

Patentterge ıe bolý – eldiń ekonomıkalyq qýaty men ónerkásiptik biliktiliginiń mańyzdy belgisi bolyp esepteledi.

Reıtıngtiń birinshi ondyǵynda AQSh pen Qytaıdan keıingi elder: Ońtústik Koreıa, Sıngapýr, Ulybrıtanııa, Fınlıandııa, Nıderlandy jáne Danııa.

Budan buryn Qytaı jyl sońyna deıin 32 mıllıonnan astam avtokólik satýdy josparlap otyrǵanyn jazǵanbyz.