Qytaı Gaza sektoryna gýmanıtarlyq kómek retinde $100 mln bóledi
ASTANA. KAZINFORM - Beıjiń Gazadaǵy jaǵdaıdy retteýge halyqaralyq deńgeıde kúsh salý jumystaryna belsene qatysa bastady, dep habarlaıdy Kazinfrom menshikti tilshisi.
QHR tóraǵasy Sı Tszınpın Qytaıdyń Gaza sektoryndaǵy gýmanıtarlyq daǵdarysty jeńildetý men ony qalpyna keltirý jumystaryn qoldaý maqsatynda $100 mln bóletinin málimdedi.
Sı Tszınpın bul málimdemeni Beıjińde Frantsııa prezıdenti Emmanýel Makronmen kezdesýden soń bolǵan baspasóz-máslıhaty barysynda jasady.
QHR tóraǵasy Frantsııa prezıdentine Qytaıdyń burynǵysynsha Gaza sektoryndaǵy beıbitshilik isin qoldaıtynyn málimdedi.
Kómek týraly málimdeme Qytaı men Frantsııanyń yntymaqtastyqty keńeıtý men kópjaqty dıplomatııaǵa shaqyrýy aıasynda jasaldy.
Qytaı Palestına máselesiniń ádil, turaqty jáne jan-jaqty rettelýin qoldaıtynyn jetkizdi.
WAFA agenttiginiń habarlaýynsha, Palestına prezıdenti Mahmýd Abbas Sı Tszınpınge osy ýádesi úshin alǵys bildirip, hat joldaǵanyn habarlady.
Osyǵan deıin Tramp Gaza josparynyń ekinshi kezeńi jaqynda júzege asyrylatynyn aıtqan bolatyn.