Qytaı ǵaryshqa ınternet spýtnıkteriniń jańa tobyn ushyrdy
ASTANA. KAZINFORM – Qytaı seısenbi kúni Haınan aralyndaǵy kommertsııalyq ǵarysh aılaǵynan tómen orbıtalyq ınternet spýtnıkteriniń jańa tobyn sátti ushyrdy. Bul týraly Sınhýa agenttigi jazdy.
Spýtnıkter Beıjiń ýaqytymen saǵat 16:52-de «Chanchjen-8A» (Long March-8A) zymyran-tasyǵyshynyń kómegimen ǵaryshqa jiberilip, belgilengen orbıtasyna sátti shyǵaryldy. Bul Qytaıdyń tómen orbıtalyq ınternet spýtnıkteri shoqjuldyzynyń 23-toby boldy.
Ushyrý Haınan provıntsııasyndaǵy kommertsııalyq ǵarysh aılaǵynan júzege asyryldy. Bul nysan Qytaıdyń kommertsııalyq ǵarysh baǵdarlamasyn damytýdaǵy negizgi alańdardyń biri sanalady jáne spýtnıkterdi jıi ári jedel ushyrýǵa arnalǵan.
«Chanchjen-8A» – Qytaıdyń jańa býyndaǵy zymyran-tasyǵyshtarynyń biri. Ol tómen orbıtaǵa spýtnıkterdiń iri toptaryn shyǵarýǵa beıimdelgen jáne eldiń aýqymdy spýtnıktik ınternet jelisin qalyptastyrý baǵdarlamasynda mańyzdy ról atqarady.
Qytaı sońǵy jyldary tómen orbıtalyq spýtnıkter shoqjuldyzyn qarqyndy qalyptastyryp keledi. Bul joba shalǵaı óńirlerdi joǵary jyldamdyqtaǵy ınternetpen qamtamasyz etýge, baılanys sapasyn jaqsartýǵa jáne ǵaryshtyq baılanys qyzmetterin keńeıtýge baǵyttalǵan. Sarapshylar ony álemdik spýtnıktik ınternet naryǵyndaǵy negizgi jobalardyń biri dep baǵalaıdy.
Eske sala ketsek, 14 shilde kúni Baıqońyrdan «Soıýz MS-29» ǵarysh kemesi ushyrylǵanyn habarladyq.
Al ǵarysh observatorııasyn qutqarý operatsııasy aıasynda NASA orbıtaǵa alǵashqy robotyn ushyrdy.
