Qytaı ǵalymdary joıqyn jer silkinisin boljady ma - seısmologııa ınstıtýtynyń jaýaby

ALMATY. KAZINFORM - Seısmologııalyq baqylaý jáne zertteýler ulttyq ǵylymı ortalyǵy (burynǵy seısmologııa ınstıtýty) jelide taraǵan joıqyn jer silkinisi týraly aqparatqa baılanysty málimdeme jasady.

Ǵylymı ortalyqtyń málimetinshe, jelidegi aqparatqa Qytaı ǵalymdarynyń joıqyn jer silkinisin boljaýy sebep bolǵan. Biraq qazaqstandyq seısmologtar bul boljamnyń elimizge tikeleı qatysy joq ekenin eskertti. 

- Pekın jer silkinisi agenttigi, atap aıtqanda Chjý Hýnbın bastaǵan ǵalymdar toby shamamen 30-40 jylda bir ret magnıtýdasy 8 nemese odan da kóp kúshti jer silkinisteri bolatyn tsıkl týraly boljam jasady. Osy málimetterge súıene otyryp, ǵalymdar toby tsıkl qazir bastalyp jatqan shyǵar dep boljaıdy. Zertteýde aıtylǵan aımaqtyń Qazaqstanǵa esh qatysy joq. Óıtkeni bular Qytaıdyń Syýchan jáne ıÝnnan aımaqtary, Longmenshan jarylym aımaǵynda, ıaǵnı jaqynda joıqyn jer silkinisi bolǵan Mıanmaǵa jaqyn jerde. Ol aımaq Qazaqstannan myńdaǵan shaqyrym jerde. Bul óte alys jáne basqa seısmıkalyq aımaq, - dep habarlady ǵylymı ortalyq.

Sonymen qatar seısmologııa ınstıtýtynyń málimdemesine sáıkes, esh jaǵdaıda ǵalymdardyń zertteýlerin jáne boljamdaryn naqty málimet dep qarastyrýǵa bolmaıdy. Ulttyq ǵylymı ortalyq azamattardy dúrbeleńge túspeýge jáne áleýmettik jelidegi aqparatqa synı kózqaraspen qaraýǵa shaqyrdy.

- «Qytaı ǵalymdary 8 baldan joǵary jer silkinisin boljady» degen taqyryptardy senimsiz jáne adastyrý dep ataýǵa bolady, - dep málimdedi ınstıtýt.

Eske salaıyq, naýryz aıynyń sońynda Jambyl oblysynda birneshe ret jer dúmpýi boldy. 

Dál sol ýaqyttarda Mıanmada 7,9 baldyq jer silkinisi tirkeldi.

Osyǵan oraı biz Qazaqstan men Ońtústik-shyǵys Azııada bolǵan jer silkinisiniń baılanysy týraly jazǵanbyz.