Qytaı ǵalymdary ıadrolyq optıkalyq saǵat jasady
ASTANA. KAZINFORM — Qytaı ǵalymdary álemde alǵash ret ıadrolyq optıkalyq saǵat jasap, onyń turaqty jumys isteýin qamtamasyz etti.
Osylaısha olar dál kvanttyq ólsheý salasyn atom ıadrosy deńgeıine deıin keńeıtti. Bul týraly Kazinform agenttiginiń Beıjińdegi menshikti tilshisi Xinhua agenttigine silteme jasap habarlaıdy.
Qurylǵyny jasaý úshin Tsınhýa ýnıversıteti men Beıjiń kvanttyq aqparat ınstıtýtynyń mamandar toby dotsent Dın Shıtsıannyń jetekshiligimen tolqyn uzyndyǵy 148 nanometr bolatyn úzdiksiz vakýýmdyq ýltrakúlgin lazer ázirledi. Sonymen qatar olar torıı-229 qosylǵan kaltsıı ftorıdiniń krıstalyn jasap shyǵardy.
Dınniń aıtýynsha, jańa saǵattardyń jıilik turaqtylyǵy osyǵan uqsas jobamen aınalysqan eýropalyq zertteýshilerdiń nátıjesinen shamamen on esege joǵary bolǵan.
— ıAdrolyq optıkalyq saǵat ýaqyt pen jıiliktiń jańa býyn etalonyna aınalady. Onyń sátti jasalýy osy ǵasyrdaǵy kvanttyq dál ólsheý salasyndaǵy iri jetistik boldy, — dedi Tsınhýa ýnıversıteti fızıka kafedrasynyń meńgerýshisi Chjaı Hýeı.
Qatty deneli ıadrolyq saǵattyń jasalýy ony bolashaqta yqshamdap, spýtnıktik navıgatsııada, sondaı-aq alys ǵaryshty zertteýde qoldanýǵa tehnologııalyq negiz qalaıdy.
Buǵan deıin Qytaı atom qupııasyn zertteý úshin álemdegi eń qýatty bólshekter údetkishin iske qosqany habarlanǵan bolatyn.
