Qytaı ǵalymdary ǵaryshtyq qaldyqtardy joıýdyń jolyn tapty

ASTANA. KAZINFORM — Qytaı ǵalymdary ǵaryshtyq qaldyqtardy joıýǵa arnalǵan jáne ony spýtnıkterdi óshiretin qarý retinde de qoldanýǵa bolatyn qurylǵy jasap shyǵardy, dep habarlaıdy South China Morning Post. 

Basylymnyń málimetinshe, zertteýdi Nankın ǵylym jáne tehnologııa ýnıversıteti mashına jasaý bóliminiń ǵalymy ıÝe Shýaı bastaǵan ǵalymdar toby júrgizgen.

— Qurylǵy Jerdiń aınalasyndaǵy orbıtalyq qaldyqtardy joıýǵa arnalǵan. Ol qaldyqtardy orap alyp, ony atmosferaǵa shyǵaratyn torly kapsýlany iske qosady, - dep keltiredi basylym zertteýshilerdiń sózderin.

Bul qurylǵy yqsham jáne syrtqy qýatty qajet etpeıtini atap ótilgen. Dástúrli qarýdan aıyrmashylyǵy, ol jabyq gaz mehanızmi arqyly energııany sińiredi jáne atys kezinde tútin nemese jalyn shyǵarmaıdy.

Beıjińdik astrofızıktiń aıtýynsha, ony azdap ózgertý arqyly ǵaryshtyq qarýǵa aınaldyrýǵa bolady. 

— Jarylys bolmaıdy, shabýyl jasaǵany kórinbeıdi, tek jasandy jer seriginiń ózi isten shyǵady. Syrttan qaraǵandarǵa jer serigi tabıǵı túrde isten shyqqan bolyp kórinedi, - dedi ol.

Eske sala keteıik, Qytaıda alǵashqy adam tárizdi robottar dúkeni ashyldy.