Qytaı ǵalymdary alǵash ret eshkiniń birneshe genetıkalyq kóshirmesin sátti jasap shyǵardy
ASTANA. KAZINFORM — Qytaıdaǵy Soltústik-Batys aýyl jáne orman sharýashylyǵy ýnıversıtetiniń ǵalymdary úı janýarlarynyń dál kóshirmesin jasap kóbeıtýdi alǵash ret sátti júzege asyrdy. Bul týraly Xinhua agenttigi jazdy.
Málimetke sáıkes, ǵalymdar sút beretin asyl tuqymdy eshkiniń bireýin negiz etip alyp, odan birneshe genetıkalyq kóshirme janýarlar jasaǵan. Nátıjesinde tórt erkek jáne eki urǵashy laq alynǵan.
Zertteýshiler óte sapaly dene jasýshalaryn muqııat bólip alyp, búkil protsesti jetildirgen. Sonyń arqasynda bir janýardan birneshe birdeı tól alý múmkindigi paıda boldy.
Ǵalymdardyń aıtýynsha, bul ádis burynǵy mal ósirý tásilderine qaraǵanda áldeqaıda jyldam. Ádette eshkilerdi kóbeıtý úshin 8–10 jyl kerek bolsa, jańa tehnologııa bul ýaqytty aıtarlyqtaı qysqartady.
Byltyr Qytaıdyń ońtústik-batysyndaǵy ıak ósirý bazasynda 10 shilde kúni kesar tiligi arqyly klondalǵan ıak dúnıege keldi.
