Qytaı ǵalymdary álemdegi alǵashqy 6G-chıpti tanystyrdy

ASTANA. KAZINFORM – Qytaı ǵalymdary álemdegi alǵashqy ámbebap 6G-chıpti jasap shyǵardy. Jańa qurylǵy 50 gıgabaıt kólemindegi fılmdi 8K sapada birneshe sekýnd ishinde jetkizýge múmkindik beredi, dep habarlaıdy South China Morning Post.

Zertteýshilerdiń aıtýynsha, jańa tehnologııa derekterdi qazirgi ınternet jyldamdyǵymen salystyrǵanda áldeqaıda joǵary deńgeıde tarata alady. Máselen, AQSh-tyń aýyldyq aımaqtaryndaǵy ınternetpen salystyrǵanda 6G-chıp derekterdi shamamen 5000 ese jyldam jiberedi.

Jobany Beıjiń ýnıversıtetiniń ǵalymdary tanystyrdy.

Olardyń pikirinshe, zamanaýı qoǵamda joǵary jyldamdyqtaǵy symsyz baılanysqa suranys artyp keledi. 6G-chıptiń engizilýi aqparattyq-kommýnıkatsııalyq tehnologııalar salasynda úlken serpilis jasaýǵa qabiletti.

Sonymen qatar sarapshylar bul jańalyqtyń belgili bir qaýip-qaterlerin de atap ótti.

Basylymnyń jazýynsha, elektromagnıttik quraldardyń shamadan tys júktelýi jáne baılanys senimdiliginiń tómendeýi yqtımal.

Eske sala ketsek, Qytaı jańa top ınternet-spýtnıkterin ushyrdy.