Qytaı Fılıppınnen arandatýshylyq pen jalǵan aqparatty dereý toqtatýdy talap etti
ASTANA. KAZINFORM – Qytaıdyń jaǵalaý kúzeti (QJK) sársenbi kúni Fılıppın tarapynan Ońtústik Qytaı teńizindegi Hýanıan aralyna baılanysty arandatýshylyq áreketterdi, aqparattyq daý týdyrýdy jáne jala jabý naýqandaryn dereý toqtatýdy talap etti. Bul týraly Sınhýa agenttigi jazdy.
QJK-nyń resmı ókili Lıý Detszıýnniń aıtýynsha, jýyrda Qytaı jaǵalaý kúzeti Hýanıan araly mańyndaǵy akvatorııada quqyq qorǵaý jáne quqyqtardy qorǵaý boıynsha josparly oqý-jattyǵýlar ótkizgen. Onyń aldynda qoldanystaǵy zańnamaǵa sáıkes teńizde júzý qaýipsizdigi týraly aldyn ala eskertý jarııalanǵan.
Alaıda oqý-jattyǵýlar kezinde Fılıppın tarapy kóptegen kemeni jınap, Qytaı júrgizip jatqan jattyǵý aımaǵyna kirgen. Lıý Detszıýnniń málimdeýinshe, olar «balyq aýlaý qyzmeti» degen jeleýmen arandatýshylyq áreketterge baryp, jaǵdaıdy ýshyqtyrýǵa jáne halyqaralyq qaýymdastyqtyń nazaryn aılakerlik jolmen aýdarýǵa tyrysqan.
Onyń sózinshe, Qytaı jaǵalaý kúzeti budan ári de Hýanıan araly mańyndaǵy akvatorııada zań aıasynda quqyq qorǵaý jáne quqyqtardy qorǵaý sharalaryn jalǵastyryp, eldiń aýmaqtyq tutastyǵyn, teńizdegi quqyqtary men múddelerin tabandy túrde qorǵaıdy.
Eske sala ketsek, buǵan deıin Qytaı Japonııany áskerı bıýdjet týraly aqparatty burmalady dep aıyptady.
