Qytaı Eýropalyq Odaqtan keletin alkogol ónimderine salyqty ósirdi

ASTANA. KAZINFORM – Qytaıdyń kommertsııa mınıstri 5 shildeden bastap, Eýropalyq Odaq elderinen jetkiziletin brendı ımportyna engiziletin baj salyǵyn 5 jylǵa ulǵaıtý týraly sheshim qabyldady, dep jazady DW.

Salyq mólsherlemesi Hennessy, Remy Martin jáne Martell sııaqty iri frantsýzdyq óndirýshiler úshin ósiriledi.

Antıdempıngtik tergeý qorytyndysy boıynsha Hennessy ónimderine kedendik baj 34,9% mólsherinde belgilendi, Remy Martin – 34,3%, al Martell – 27,7% mólsherinde bolady. Sonymen qatar Pernod Ricard jáne Remy Cointreau sııaqty birqatar óndirýshilerge baǵa mindettemelerin saqtaıtyn bolsa, ýaqytsha keshirim beriledi.

Bul sheshim túpkilikti bolyp tabylady jáne 2024 jyly bastalǵan, negizgi bóligi Frantsııada óndiriletin eýropalyq brendı ımportyna qatysty tergeýdiń jalǵasy sanalady.

Frantsýz kompanııalary úshin Qytaı naryǵy strategııalyq mańyzǵa ıe, óıtkeni oǵan konıaktyń jalpy eksportynyń 25%-y tıesili. Al kóshbasshy el – AQSh, onyń úlesi 38% bolyp otyr.

Beıjińniń bul bastamasy Eýropalyq Odaqta qytaılyq elektromobılderge qosymsha baj salyǵyn engizý máselesi talqylanyp jatqan kezeńde kóterilip otyr.

Osyǵan deıin Eýropalyq Odaq Temu men Shein-niń arzan taýarlaryna baj salyǵyn engizýdi usynǵany týraly jadyq.