Qytaı esirtki tektes zattar tizimin keńeıtti
ASTANA. KAZINFORM – Qytaı bıligi orfın men onyń týyndylaryn medıtsınalyq maqsatta qoldanýǵa arnalmaǵan esirtki jáne psıhotroptyq zattar tizimine engizý týraly sheshim qabyldady, dep habarlaıdy Sınhýa.
Jańa talap 2026 jylǵy 1 qazannan bastap kúshine enedi.
– Orfın men onyń týyndylary «Medıtsınalyq maqsatta qoldanýǵa arnalmaǵan esirtki jáne psıhotroptyq zattar» tizimine engiziledi, – delingen QHR Qoǵamdyq qaýipsizdik mınıstrligi, Densaýlyq saqtaý isteri jónindegi memlekettik komıtet jáne Dárilik zattardy baqylaý jónindegi memlekettik basqarmanyń birlesken málimdemesinde.
Osylaısha, atalǵan zattar Qytaıda arnaıy memlekettik baqylaýǵa alynbaq.
Aıta keteıik, Indonezııada Malaysia Airlines ushqyshy iri kólemdegi esirtkimen qolǵa tústi.
