Qytaı EO-dan keletin sút ónimderine sýbsıdııaǵa qarsy sharalar engizdi

ASTANA. KAZINFORM — Qytaı seısenbi kúni Eýropalyq Odaqtan keletin keıbir sút ónimine ýaqytsha ótemaqy sharalaryn engizdi, dep habarlaıdy QHR Saýda mınıstrligi.

Vedomstvo habarlaǵandaı, tergeý barysynda Eýropalyq Odaqtan kelgen sút ónimderine sýbsıdııa berilgeni anyqtalǵan. Sol kezde Qytaıdyń óz sút ónerkásibi edáýir zııan shekken, al sýbsıdııalar men keltirilgen shyǵyn arasynda tikeleı baılanys bar ekeni belgili bolǵan.

Qabyldanǵan sharalar tıisti sút ónimderin ımporty kezinde ýaqytsha sýbsıdııaǵa qarsy depozıtterdi engizýdi qarastyryp otyr. Qosymsha alymdar kólemi naqty eksporttaýshy kompanııaǵa baılanysty 21,9%-dan 42,7%-ǵa deıin bolady.

Bul sheshim Qytaı sút qaýymdastyǵy men Qytaı sút ónerkásibi qaýymdastyǵynyń ótinishinen keıin 2024 jyldyń 21 tamyzynda bastalǵan aldyn ala tergeý qorytyndylaryna negizdelgen.

Buǵan deıin Qytaı eýropalyq shoshqa etine dempıngke qarsy baj salyǵyn engizgenin habarlaǵan bolatynbyz.