Qytaı emotsıonaldy táýeldilik qaýpine baılanysty JI seriktesterin shekteıdi
ASTANA. KAZINFORM — Qytaı paıdalanýshylardaǵy psıhologııalyq jáne emotsıonaldy táýeldilik qaýpin azaıtý úshin JI seriktesterine arnalǵan jańa erejeler engizdi, dep habarlaıdy Sınhýa.
Ereje tek adamdar arasyndaǵy qarym-qatynasty yntalandyratyn dıalogtyq platformalarǵa áser etedi. Kásibı jáne bilim berý salasyndaǵy JI-assıstentter jańa erejege baǵynbaıdy.
Qujat platforma ıelerin paıdalanýshylardyń emotsıonaldyq turaqsyzdyǵyn anyqtaýǵa, daǵdarys jaǵdaıyna jedel jaýap berýge jáne algorıtmdermen ózara árekettesý ýaqytyn shekteýge mindetteıdi.
Ázirleýshiler sonymen qatar jeke aqparattyń maksımaldy qaýipsizdigin qamtamasyz etýge jáne paıdalanýshylarǵa óz derekterin tolyq baqylaýǵa múmkindik berýge mindetti.
Nátıjesinde Doubao, Qwen jáne Yuanbao platformalaryn qosa alǵanda, jetekshi qytaılyq ázirleýshiler ınteraktıvti jasandy ıntellekt agentteriniń jumysyn toqtatty.
Eske salaıyq, buǵan deıin Qytaıda JI mamandaryna suranys 50%-ǵa artqanyn habarlaǵan edik.
