Qytaı eldi aýylsharýashylyq derjavasyna aınaldyrý josparyn jarııalady
ASTANA. KAZINFORM — Qytaı 2024-2035 jyldar aralyǵynda eldi aýylsharýashylyq derjavasyna jedel aınaldyrý josparyn jarııa etti, dep habarlaıdy Sınhýa.
Qytaı kommýnıstik partııasynyń ortalyq komıteti jáne Qytaı Halyq Respýblıkasynyń Memlekettik keńesi jarııalaǵan qujatta 2027 jylǵa qaraı Qytaıdyń agrarlyq sektordaǵy qýatyn arttyrý barysynda eleýli progreske qol jetkizý maqsaty qoıyldy.
Sondaı-aq ol aýyldy jan-jaqty kóterýde aıtarlyqtaı nátıjelerge qol jetkizýge baǵyttalǵan. Ári 2027 jylǵa qaraı aýyl sharýashylyǵy men aýyldyq jerlerdi jańǵyrtý jumystarynyń jańa deńgeıge kóterilýin kózdeıdi.
Josparǵa sáıkes, 2035 jylǵa qaraı Qytaıda aýyldyń jan-jaqty damýynda sheshýshi progreske qol jetkiziledi, negizinen aýyl sharýashylyǵy salasy tolyq jańǵyrtylady jáne aýyldyq jerler zamanaýı turmystyq jaǵdaılarmen qamtamasyz etiledi.
Osydan buryn QR Memlekettik kirister komıteti Qazaqstan men Qytaı arasyndaǵy ótkizý pýnktterinde turyp qalǵan júk avtokólikterine qatysty túsinik berdi.