Qytaı densaýlyq saqtaý salasynda JI qoldanýdy keńeıtip jatyr
ASTANA. KAZINFORM – Qytaı bıligi aldaǵy jyldary dıagnostıka, aýrýlardy emdeý jáne basqarý tıimdiligin arttyrý úshin densaýlyq saqtaý júıesinde jasandy ıntellektti (JI) qoldanýdy aıtarlyqtaı keńeıtý josparyn jarııalady, dep habarlaıdy Sınhýa.
QHR Ulttyq densaýlyq saqtaý komıteti men taǵy tórt vedomstvo jarııalaǵan birlesken qujatqa sáıkes, jasandy ıntellekt tehnologııalary 2030 jylǵa qaraı JI barlyq bastapqy medıtsınalyq-sanıtarlyq kómek mekemelerinde, sonyń ishinde qoǵamdyq jáne aýyldyq densaýlyq saqtaý ortalyqtarynda engizilýi kerek.
Qytaıdyń úsh deńgeıli jiktemesine sáıkes, ekinshi jáne odan joǵary deńgeıdegi aýrýhanalar medıtsınalyq vızýaldaýǵa negizdelgen ıntellektýaldy dıagnostıka jáne klınıkalyq sheshimdi JI qoldaný arqyly qabyldaýdy qoldaý júıeleri sııaqty sheshimderdi engizýi kerek.
Qujatta sondaı-aq jasandy ıntellektti patsıentterge qyzmet kórsetýde keńeıtip qoldaný qarastyrylǵan. Bul densaýlyq saqtaý mekemelerine emdeýdiń barlyq kezeńderinde, sonyń ishinde kelýdi josparlaý, kómek kórsetý basymdyqtaryn anyqtaý, aldyn ala dıagnostıka jáne keıingi kómek kórsetý boıynsha ıntegratsııalanǵan, aqyldy qyzmetterdi usynýǵa múmkindik beredi.
Qytaı sonymen qatar epıdemııalar monıtorıngi jáne olardyń erte satyda aldyn alý zııatkerlik júıelerin jańartýdy josparlap otyr. Bul jańa sharalar juqpaly aýrýlardyń aldyn alý jáne baqylaý salasynda naqty ýaqyt rejıminde sheshim qabyldaýǵa jedel jáne maqsatty qoldaý kórsetýge baǵyttalǵan.
Buǵan deıin Qytaı tótenshe jaǵdaılar salasyna JI engizgenin jazǵan edik.