Qytaı bıýrokratııamen kúresý úshin jańa erejeler engizdi

ASTANA. KAZINFORM – Qytaı bıliktiń tómengi deńgeıindegi bıýrokratııalyq júktemeni azaıtýdyń jańa erejelerin jarııalady, dep habarlaıdy Kazinform Sınhýa agenttigine silteme jasap.

QKP Ortalyq Komıteti men QHR Memlekettik keńesi daıyndaǵan qujatta jınalystar sanyn, qujattama kólemin jáne jergilikti jerde tekserýdi qysqartý qarastyrylǵan. Sheneýnikterge qysqasha, mazmundy materıaldar daıyndap, formalızmge jol bermeý tapsyrylady. 

Jańa erejege sáıkes, jyl saıyn beriletin qujattardyń kólemi qysqartylýy tıis. Ótken jyldyń sheginen asyp ketken bólimder jazbasha negizdeme usynýǵa mindetti. Kóptegen qujat 4–5 myń tańbamen shekteledi. 

Keshendi jınalystardy jylyna bir retten ótkizýge ruqsat etiledi. Múmkindiginshe vedomstvolyq otyrystardy biriktirý kerek. Basshylardyń sóz sóıleý uzaqtyǵy bir saǵattan aspaýy kerek. Aýdıo nemese beınebaılanys arqyly qashyqtaǵy jınalystarǵa artyqshylyq beriledi. 

Erejede sondaı-aq memlekettik qyzmet qosymshalaryn ázirleý jáne paıdalaný erejeleri bar. Árbir vedomstvoda mindetti túrde kelisý rásimi bar tómen turǵan memlekettik organdarǵa bir ǵana ótinish bolýy múmkin. Mundaı qyzmetterdi májbúrlep paıdalanýǵa, sondaı-aq olardy ornatý nemese júıeli túrde kirý negizinde qyzmetkerdiń jumysyn baǵalaýǵa tyıym salynady. 

Jergilikti jerde atqarylyp jatqan jumystardyń tıimdiligin tek azamattardan túsken aryz-shaǵymdar sanyna qarap baǵalamaý kerektigi de bólek aıtylady. 

Eske sala keteıik, buǵan deıin habarlaǵanymyzdaı, Qytaı tabıǵı apattan zardap shekkenderge 142 mıllıon dollar bóldi.