Qytaı birneshe márte qoldanýǵa bolatyn zymyran ushyrdy

ASTANA.KAZINFORM - Sársenbi kúni Qytaıdyń soltústik-batysyndaǵy Tszıýtsıýan ǵarysh aılaǵynda LandSpace kompanııasy daıyndaǵan kóp ret paıdalanýǵa bolatyn Chjýtsıýe-3 zymyran tasyǵyshy ushyryldy, dep habarlaıdy Sınhýa.

Birinshi ushyrylym kezinde zymyrantasyǵysh Jerge qaıtyp kele jatyp órtenip, qoný alańyna jeńil qona almady. Qazirgi tańda oqıǵanyń jaı-japsary anyqtalyp jatyr. 

Endi ǵarysh apparatynyń ekinshi býyny josparlanǵan orbıtaǵa shyqty. 

Kompanııa ókilderi mıssııanyń Chjýtsıýe-3 qurylymy men onyń ornalastyrý júıesi jumysqa qabiletti ekenin atap ótkenin jetkizdi. Mıssııa ókilderi ushýǵa qatysty mańyzdy málimetter jınap, bolashaq ushyrylymdardyń negizin qalaýǵa, býyndardy qalpyna keltirýge múmkindik alǵandaryn aıtty. 

Aıta keteıik, Chjýtsıýe-3 suıyq ottegi men metanmen jumys isteıdi. Zymyran baǵasy arzan, júk kóterý qabileti joǵary ári jıi qoldanýǵa arnalǵan. 

Reuters-tiń jazýynsha, LandSpace Qytaıdyń tehnologııalyq jaǵynan eń ozyq, jeke zymyran kompanııasyna aınalǵan jáne ol Ilon Masktiń SpaceX-ine jaqyn nusqa bolyp otyr. 

Ol amerıkalyq básekelesteriniń strategııasynyń izimen kele jatyr jáne ony kóp ret qoldanýǵa bolady. 

Osyǵan deıin Qytaıda atmosferadan sý jınaý júıesi jasalǵany týraly jazdyq.