Qytaı bıligi óz azamattaryn Lıvannan tez arada ketýge shaqyrdy
ASTANA. KAZINFORM — Qytaı bıligi Qytaı azamattaryna Lıvannan múmkindiginshe tezirek ketýdi usynady. Bul týraly Beırýttaǵy Qytaı elshiligi málim etti, dep jazady TASS.
«Sońǵy ýaqytta Lıvanda qaýipsizdik salasyndaǵy kúrdeli ári qıyn jaǵdaı únemi baıqalyp keledi, Lıvan-Izraıl shekarasyndaǵy shıelenis áli jalǵasyp jatyr. Jaǵdaıdy muqııat qadaǵalap, qaýipsizdik týraly habardarlyq deńgeıin (qamtamasyz etý turǵysynan) arttyrý qajettigin eske salamyz», - delingen taratylǵan málimdemede.
Qytaı dıplomatııalyq mıssııasy «Otanyna oralý nemese Lıvannan múmkindiginshe tezirek ketý úshin áli de bar kommertsııalyq reısterdi paıdalaný qajettiligin aıtty. Taıaý Shyǵys elinde qalýǵa sheshim qabyldaǵandar «táýekelderden aýlaq bolyp, qyraǵylyqty saqtaý, qaýipsizdik sharalary men tótenshe jaǵdaılarǵa daıyndyqty tıimdi kúsheıtýi» kerek.
Sonymen qatar elshilik QHR azamattaryna Lıvannyń ońtústigindegi asa qaýipti aımaqtarǵa barmaýǵa keńes berdi.
«Tótenshe jaǵdaıda polıtsııaǵa habarlasyńyz jáne Qytaı elshiligine habarlasyńyz», - delingen habarlamada.
Izraıl men Lıvandaǵy «Hezbolla» tobynyń ózara shabýyly jalǵasyp jatyr. Turaqty shıelenisterge baılanysty Izraıl shekaralyq aımaqtan 80 myńnan astam azamatyn evakýatsııalady.
Buǵan deıin Qazaqstannyń Syrtqy ister mınıstrligi qazaqstandyqtarǵa Izraıl men Lıvanǵa barýdan ýaqytsha bas tartýdy usynǵan bolatyn. AQSh azamattaryn Lıvannan evakýatsııalaýǵa daıyndalyp jatqanyn jazǵan bolatynbyz.
