Qytaı benzın men dızel otynynyń baǵasyn tómendetedi
ASTANA. KAZINFORM — Qytaı búginnen bastap munaıdyń jahandyq baǵasynyń sońǵy ózgeristerin eskere otyryp, benzın men dızel otynynyń bólshek saýda baǵasyn tómendetedi. Bul týraly Ulttyq damý jáne reformalar komıssııasy (NDRC) habarlady, dep jazdy Sınhýa.
Benzın baǵasy tonnasyna 75 ıýanǵa (shamamen 10,56 AQSh dollary) arzandasa, dızel otynynyń baǵasy tonnasyna 70 ıýanǵa tómendeıtini habarlandy.
Qytaıdaǵy jetekshi úsh munaı korporatsııasy, sonyń ishinde Qytaı ulttyq munaı-gaz, Qytaı munaı-hımııa, Qytaı ulttyq teńiz munaı korporatsııalary jáne basqa da munaı óńdeý kásiporyndary turaqty jetkizilimderdi qamtamasyz etý úshin munaı ónimderin óndirý men tasymaldaýdy durys uıymdastyrýdy tapsyrdy.
Qytaıdyń baǵa belgileý mehanızmi boıynsha munaı ónimderiniń baǵasy álemdik munaı baǵasynyń aýytqýyna baılanysty túzetiledi.
Sondaı-aq komıtet tıisti jergilikti departamentterdi naryqty qadaǵalaý men tekserýdi kúsheıtýge, memlekettik baǵa saıasatyn buzatyn árekettermen kúresý úshin qatań sharalar qabyldaýǵa jáne naryqtyq tártipti saqtaýǵa shaqyrdy.
Buǵan deıin elimizdegi benzın, dızel jáne avtogaz baǵalaryn jarııalaǵan bolatynbyz.