Qytaı baılanys tehnologııasyn synap kórý úshin jańa jerserigin ushyrdy

ASTANA. KAZINFORM — Qytaıdyń ońtústik-batysyndaǵy Sıchan ǵarysh aılaǵynan jańa baılanys spýtnıgi sátti ushyryldy, dep habarlaıdy Kazinform menshikti tilshisi.

Bul týraly Qytaıdyń aeroǵarysh ǵylymy jáne tehnologııa korporatsııasy (CASC) habarlady.

CASC saıty ushyrý 20 jeltoqsanda Beıjiń ýaqytymen 23:12–de Long March-3B zymyran tasymaldaǵyshynyń («Chanchjen») kómegimen júzege asyrylǵanyn habarlady. Spýtnık kórsetilgen orbıtaǵa sátti shyqty.

Bul spýtnık spýtnıktik baılanys, radıo jáne televıdenıe, derekterdi berý jáne basqa da qyzmetter úshin paıdalanylatyn bolady. Ol sondaı-aq tıisti tehnologııalardy synaý úshin qoldanylady.

Bul «Chanchjen» serııaly zymyran tasymaldaǵyshtarynyń 554-shi ushyrylymy.

2024 jyly Qytaı shamamen 100 ǵaryshtyq ushyrýdy júzege asyrýdy josparlap otyr.

Aıta keteıik, Qytaı 2024-2050 jyldar aralyǵynda Qytaıda ǵaryshtyq ushýlardy jáne ǵaryshtyq zertteýlerdi josparlaýdy anyqtaıtyn ǵarysh ǵylymyn damytýdyń ulttyq orta jáne uzaq merzimdi baǵdarlamasyn usynǵan bolatyn.

Buǵan deıin Qytaıdaǵy eń úlken shól aǵashpen qorshalǵany málim boldy.