Qytaı bankiniń burynǵy tóraǵasy ólim jazasyna kesildi

ASTANA. KAZINFORM — Seısenbi kúni Qytaı bankiniń burynǵy tóraǵasy Lıý Lıange para alǵany jáne zańsyz nesıe bergeni úshin úkimdi oryndaý merzimi eki jylǵa shettetilgen ólim jazasyna kesildi. Bul týraly Xinhua aqparat agenttigi habarlaıdy.

Aqparatqa sáıkes, Shandýn provıntsııasynyń Tszınan qalasynyń halyq soty Lıý Lıangeni shamamen 16,8 mln dollar kóleminde para alǵany úshin kináli dep tapty.

Sot anyqtaǵandaı, Lıý Lıange 2010-2023 jyldar aralyǵynda Qytaı Eksporttyq-ımporttyq banki men Qytaı bankinde basshylyq qyzmetterdi qosa alǵanda, ártúrli laýazymdardy atqara otyryp, úshinshi tulǵalardyń múddesi úshin óziniń qyzmettik ókilettikterin asyra paıdalanyp, olarǵa nesıelik qarjylandyrý, jobalar boıynsha yntymaqtasý jáne kadrlyq taǵaıyndaý sııaqty máselelerde kómek kórsetip, onyń ornyna para alyp otyrǵan.

Sonymen qatar, sottalýshy zań normalaryn buza otyryp, qajetti talaptarǵa saı kelmeıtin kompanııalarǵa jalpy somasy 3,32 mlrd ıýannan astam nesıe berýge kómekteskeni, saldarynan negizgi qaryz somasy 190,7 mln ıýannan asqany anyqtaldy.

Eske salsaq, budan buryn Japonııada ólim jazasyn jarty ǵasyrdan kóp kútken tutqyn aqtalǵany belgili boldy.