Qytaı Azııada alǵash ret shoshqa búıregin adamǵa transplantatsııalady
ASTANA. KAZINFORM - Sıan qalasyndaǵy Tórtinshi áskerı medıtsına ýnıversıtetine qarasty gospıtal dárigerleri 69 jastaǵy áıelge ksenotransplantatsııa jasady, dep habarlaıdy Kazinform agenttigi bigasia.ru-ǵa silteme jasap.

Operatsııadan alty kúnnen keıin búırektiń qabyldanbaý jaǵdaıy bolmady jáne naýqastyń qan kórsetkishteri qalypty jaǵdaıǵa oraldy.
Dárigerler birneshe ózgertilgen geni bar shoshqanyń búıregin transplantatsııa jasady. Operatsııa ksenotransplantatsııanyń bolashaǵy zor ekenin kórsetti. Dárigerler ımmýnıtetti qabyldamaý, qannyń uıý qaýpi jáne yqtımal ınfektsııalarǵa erekshe nazar aýdara otyryp, naýqastyń jaǵdaıyn baqylaýdy jalǵastyrady.
Qytaıda sozylmaly búırek aýrýymen aýyratyn 130 mıllıonǵa jýyq adam bar. Shuǵyl transplantatsııany qajet etetin sońǵy satydaǵy búırek jetkiliksizdigi bar naýqastardyń sany ósip jatyr.
Eske sala keteıik, qytaılyq matematık áıel 100 jyldyq esepti sheshti.