Qytaı avtomobıl kompanııalaryna baǵany sáıkestendirý talabyn qoıdy
ASTANA. KAZINFORM — Qytaıdyń Saýda mınıstrligi 2027 jylǵy avtomobıl men mototsıkl eksportyna lıtsenzııa berý naýqanyn bastaǵanyn málimdedi, dep habarlaıdy Kazinform agenttiginiń Beıjińdegi menshikti tilshisi.
Basty jańalyq kompanııalardyń syrtqy naryqtardaǵy dempıng pen baǵa retsizdiginiń aldyn alýǵa baǵyttalǵan «Sheteldegi baǵany sáıkestendirý mindettemesine» qol qoıý talaby bolyp otyr.
Qujatqa sáıkes, avtomobıl kompanııalary ózderi eksporttaıtyn kólikterdiń dál baǵasyn jarııalaýǵa jáne naryqtyq tártipti buzatyn ádiletsiz básekelestik jasaýdan bas tartýǵa mindetti.
Eksporttaýshy mártebesin alý úshin kompanııalar shetelderde ózderiniń damyǵan ınfraqurylymy bar ekenin rastaýy kerek. Atap aıtqanda, avtoóndirýshiler qujat negizinde rastalǵan biliktiligi bar jumyskerleri, qyzmet kórsetý ortalyqtary, qural-jabdyqtary, qosalqy bólshek jetkizý tizbekteri baryn dáleldeýge tıis.
Mınıstrlik jalǵan aqparat bergen nemese qujattardy burmalaǵan kompanııalarǵa ashyq túrde sógis jarııalap, avtomobıl jáne mototsıkl eksporttaý quqyǵynan ýaqytsha, tipti tolyqtaı aıyrýy múmkin.
Onlaın ótinimder 30 qyrkúıekten 28 qazanǵa deıin qabyldanady.
Buǵan deıin Qytaıdyń elektr kólikteri eksporty 120%-ǵa artqany habarlanǵan.
Qytaıda jańa kólikter endi kók tústi ındıkatorlarmen jabdyqtalmaıdy.
