Qytaı aýyl sharýashylyǵyndaǵy apat saldaryn joıýǵa 484 mln ıýan bóldi

ASTANA. KAZINFORM — Qytaı bıligi aýyl sharýashylyǵyndaǵy tabıǵı apattardyń aldyn alý jáne saldaryn joıý sharalaryn qoldaý úshin ortalyq bıýdjetten 484 mıllıon ıýan (shamamen 68,12 mıllıon AQSh dollary) jumsady, dep jazady Sınhýa.

Bul týraly juma kúni QHR Qarjy mınıstrligi habarlady.

Atalǵan qarajat Qarjy mınıstrligi men QHR Aýyl sharýashylyǵy jáne aýyldyq ister mınıstrligi tarapynan Hebeı, Shansı, Tszıansý, Anhoı, Shandýn, Henan jáne Shensı provıntsııalaryndaǵy tıisti jumystardy qoldaýǵa baǵyttalady.

Bul qarajat aýyl sharýashylyq tehnıkalary arqyly astyq jınaý jumystaryn jedeldetýge, dymqyl astyqty keptirýge jáne sý astynda qalǵan egistik alqaptardy qurǵatý sharalaryna jumsalady. Bul kúzgi astyq ónimin tolyq jınap alýǵa múmkindik beredi.

QHR Aýyl sharýashylyǵy jáne aýyldyq ister mınıstrliginiń habarlaýynsha, juma kúngi jaǵdaı boıynsha eldegi kúzgi astyqtyń jartysynan astamy jınalǵan.

Eske salsaq, qazan aıynyń basynda Qytaıdyń ońtústiginde «Matmo» taıfýny saldarynan turǵyndar jappaı evakýatsııalandy.