Qytaı astanasynda sý tasqynynan qaza tapqandar sany 44-ke jetti

BEIJІŃ. KAZINFORM – Qytaı astanasy Beıjiń qalasynyń ákimshiligi jaqynda bolǵan sý tasqynynan qaza tapqandar sany týraly málimetti jarııalady.

Chinanews aqparatyna súıensek, 31 shildede Beıjińde ótken sý tasqynyna qarsy jáne apattan qutqarý jónindegi baspasóz máslıhatynda, qala ákiminiń turaqty orynbasary Sıa Lınmao 31 shilde saǵat 12:00-degi jaǵdaı boıynsha apat saldarynan qaza tapqandar sany 44 adamǵa jetkenin, 9 adam iz-túzsiz joǵalǵanyn habarlady.
Qaza tapqandardyń 31-i Mııýn aýdanyndaǵy Qarttar úıinde bolǵan. Joǵalǵandardyń biri qutqarý qyzmetkeri ekeni anyqtaldy.

Beıjińniń soltústiginde ornalasqan Mııýn, Hýaıjoý jáne ıAntsın aýdandary keıingi birneshe kúnde nóser jaýynnan zardap shegip, atalǵan aımaqta sý tasqyny boldy.

Qytaı basshysy Sı Tszınpın 28 shildede sý tasqynyna qarsy jáne apattan qutqarý jumystaryna qatysty nusqaý berip, sý tasqyny men geologııalyq apattardyń «Beıjiń, Hebeı, Tszılın, Shandýn jáne basqa da aımaqtarda aýyr adam shyǵyny men múliktik shyǵyndarǵa» ákep soqtyrǵanyn moıyndady jáne halyqtyń ómiri men múlkin qorǵaý úshin barlyq kúsh-jigerdi jumsaýǵa shaqyrdy.

Qytaıdyń Ulttyq damý jáne reformalar jónindegi memlekettik komıteti Beıjińdegi sý tasqyny apatynan keıingi qalpyna keltirý jumystaryna 2 mıllıard ıýan ınvestıtsııa bóldi. Sonymen qatar eldegi Qarjy jáne tótenshe jaǵdaılar mınıstrlikteri Beıjiń men basqa 8 provıntsııada qutqarý jáne kómek kórsetý jumystaryn qoldaý úshin ortalyq tabıǵı apattarǵa qarsy qordan 3,5 mıllıard ıýan aldyn ala bóletinin málimdedi.

Qazirgi ýaqytta zardap shekken aımaqtardan 80 myńnan astam turǵyn evakýatsııalandy.