Qytaı ashyq teńizde álemdegi alǵashqy sý asty kún batareıalaryn synaqtan ótkizdi
ASTANA. KAZINFORM — Qytaı ǵalymdary ashyq teńizde 10 metr tereńdikte jumys isteıtin álemdegi alǵashqy sý asty kún elektr stantsııasyn jasap, synaqtan ótkizdi, dep habarlaıdy TASS.
South China Morning Post gazetiniń habarlaýynsha, bul júıe sý astynda júrgiziletin operatsııalardy qýattandyrýǵa jańa múmkindikter ashady.
Elektr stantsııasyn ıÝnnan ýnıversıtetiniń mamandar toby ázirledi. Ǵalymdar 10 metr tereńdikte perovskıt qurylymy (jartylaı ótkizgish materıaldar klasy) bar qorǵasyn galogenıdterine negizdelgen fotoelektrlik júıeni paıdalandy. Qondyrǵy sý astynda batareıalardy zarıadtap, jaryqdıodty paneldi qýattandyrdy, bul «tipti kúńgirt kók-jasyl muhıtta da kún energııasyn óndirýge bolatynyn dáleldedi» dep jazady basylym.
— Sý asty kún batareıalarynyń burynǵy jobalary óte taıaz tereńdikke arnalǵan edi, olar tipti eki metrge de jetpeıtin tereńdikte jumys isteıtin, al shynaıy jumys jaǵdaılary ádette budan tereńde bolady. Bul jobada alǵash ret 10 metrge deıingi tereńdikte naqty jaǵdaılarda kún batareıalarynyń jumysy kórsetilgen, — deıdi ıÝnnan ýnıversıtetiniń ǵalymy Venhýa Chjan.
Bul tehnologııany ázirleýshiler ony sý astynda jumys isteıtin sensorlarǵa detektorlarǵa, kameralarǵa, baılanys júıelerine, sondaı-aq sý asty robottaryna qýat kózi retinde qoldanýǵa bolatynyn aıtyp otyr.
Buǵan deıin Qytaı spýtnıkterdiń jańa tobyn ǵaryshqa ushyrǵanyn habarlaǵan edik.
Nurlan Tuıaqov
