Qytaı aptap ystyqpen «jasandy jańbyr» arqyly kúresip jatyr
ASTANA. KAZINFORM — Qytaıdyń soltústigindegi Shansı provıntsııasynyń ıÝnchen qalasynda aýa temperatýrasy +37°C-tan asqan soń turǵyn úı keshenderiniń birinde «jasandy jańbyr» júıesi iske qosyldy, dep habarlaıdy Sınhýa.
Jeti kópqabatty turǵyn úıdiń shatyryna joǵary qysymdy sý búrikkishteri ornatylǵan. Ár ǵımaratta shamamen 200 forsýnka bar. Júıe 10 mınýt boıy usaq sý tamshylaryn shashyp, olardyń býlanýy arqyly qorshaǵan ortadaǵy jylýdy sińiredi. Sonyń nátıjesinde turǵyn úı kesheni aýmaǵyndaǵy aýa temperatýrasy shamamen 10 gradýsqa tómendeıdi.
Basqarýshy kompanııanyń málimetinshe, júıeni paıdalaný shyǵyndary aýmaqty kútip ustaý tólemine engizilgen, sondyqtan turǵyndar qosymsha aqy tólemeıdi.
Sý tumany aýany salqyndatýmen qatar shań men tútindi azaıtyp, ylǵaldylyqty arttyrýǵa jáne jasyl jelekti sýarýǵa da yqpal etedi.
Al Qytaıdyń ońtústik-batysyndaǵy, jazdyń aptap ystyǵyna baılanysty «pesh qala» atanǵan Chýntsınde avtobýs aıaldamalaryna arnaıy salqyndatqysh platformalar ornatylǵan. Batyrmany basqan kezde júıe sý tumanyn shashyp, kútý aımaǵyndaǵy temperatýrany 3–8 gradýsqa tómendetedi. Bul júıe dástúrli turmystyq kondıtsıonerlermen salystyrǵanda shamamen 10 ese az energııa tutynady.
Chýntsın metrosynda jolaýshylar +25°C temperatýra saqtalatyn kúshti salqyndatylatyn nemese +27°C bolatyn qalypty salqyndatylatyn vagondardy tańdaı alady. Sonymen qatar metro stantsııalarynda demalys oryndary men alǵashqy medıtsınalyq kómek qobdıshalary jabdyqtalǵan.
Qalanyń iskerlik aýdanynda ózen sýyn paıdalanyp jumys isteıtin sýmen salqyndatý júıesi qoldanylady. ıAntszy men Tszıalıntszıan ózenderiniń sýy ǵımarattardaǵy artyq jylýdy shyǵarýǵa paıdalanylady. Bul tehnologııanyń arqasynda aýdan jyl saıyn kómirqyshqyl gazy shyǵaryndylaryn shamamen 60 myń tonnaǵa azaıtady.
Al Chjetszıan provıntsııasynyń Iý qalasynda ystyqtan qorǵaıtyn taýarlarǵa suranys artyp keledi. Salqyndatqysh súlgiler, beldikke taǵylatyn jeldetkishter jáne sý búrikkishi bar qolshatyrlar eksport kóleminiń ósýine yqpal etýde.
Qytaıda qalyptasyp kele jatqan bul salqyndatý tehnologııalary «jazǵy ekonomıka» baǵytynyń bir bóligine aınalyp, bolashaqta aptap ystyqpen kúreste basqa elderde de qoldanylýy múmkin.
Aıta ketelik Qazaqstannyń ońtústiginde 48 gradýsqa deıin aptap ystyq bolatyny týraly jazǵan edik.
