Qytaıdy aptap ystyq býyp tur

ASTANA. KAZINFORM – Qytaıdyń birqatar óńirinde aptap ystyq bolyp tur. Qytaıdyń Ulttyq meteorologııalyq ortalyǵy osy aptada elde tirkelgen qaýipti aptap aýa raıyna baılanysty joǵary temperatýrany eskertýdiń «sary» deńgeıin engizdi.

Ortalyq deregine sáıkes, juma kúni kúndiz Shensı, Shansı, Hebeı, Shandýn, Henan, Anhoı, Tszıansý, Hýbeı, Hýnan, Haınan ólkeleriniń birqatar aýdanynda jáne Sychýanı basseınde aýa temperatýrasy Tselsıı baǵany boıynsha 35-36 gradýsqa jetedi.

Al Shynjań, Shensı, Shandýne, Henanı, Anhoı, Tszıansý, Hýbeı jáne Chýntsınde 37-den 39 gradýsqa deıin eń joǵary temperatýra tirkeletindigi boljanyp otyr. Keıbir aýdanda aýa temperatýrasy 40 gradýsqa da jetýi yqtımal.

Jergilikti BAQ-tyń jazýynsha, aptap ystyq pen qurǵaqshylyq Qytaıdyń birqatar aýdanynda aýyl sharýashylyǵy daqyldarynyń ónimdiligine keri áserin tıgizedi. Al Henan men Anhoı syndy ólkeler sý tapshylyǵyna tap bolyp otyr.

Qytaıda joǵary temperatýrany eskertýdiń úsh deńgeıli júıesi qoldanysta. Qyzyl – óte qaýipti eskertý degendi bildiredi, odan keıin qyzǵylt sary jáne sary eskertý bar.