Qytaı Antarktıdada burǵylaý boıynsha álemdik rekord ornatty
ASTANA. KAZINFORM – Qytaıdyń 42-shi antarktıkalyq ekspedıtsııasy muzdy ystyq sýmen burǵylaý tájirıbesi barysynda 3 413 metr tereńdikke jetip, álemdik rekord ornatty, dep habarlaıdy China Daily.
Zertteý jumystary Antarktıdanyń Elızaveta hanshaıym jerindegi Tsılın muzasty kóliniń mańynda, Qytaıdyń «Taıshan» stantsııasynan 120 shaqyrym qashyqtyqta júrgizildi. Buǵan deıingi halyqaralyq rekord 2 540 metr bolǵan.
Ǵalymdar alǵash ret qoldanǵan ystyq sýmen burǵylaý tehnologııasy muz qabatyn sterıldi túrde tesip, sý aıdynyna qaýipsiz jetýge múmkindik berdi. Bul ádis ekojúıeni lastamaı, ejelgi klımattyq ózgeristerdi zertteýge jáne buryn belgisiz bolýy múmkin tirshilik formalaryn anyqtaýǵa jol ashady.
Mamandardyń aıtýynsha, atalǵan jetistik Qytaıdyń Antarktıda muz jamylǵysynyń shamamen 90 paıyz aýmaǵynda jáne Arktıkada joǵary tehnologııalyq zertteýler júrgize alatynyn kórsetedi.
Bul jetistik Beıjińniń polıarlyq zertteýler salasyndaǵy jetekshi el retindegi pozıtsııasyn nyǵaıta túsedi.
Buǵan deıin Qytaıdyń tereń teńiz zertteýlerine arnalǵan qalqymaly «aral» salýdy josparlap otyrǵany habarlanǵan edi.
