Qytaı altyn qoryn sońǵy úsh jyldaǵy rekordtyq qarqynmen ulǵaıtty
ASTANA. KAZINFORM — Qytaı Halyq banki qyrkúıek aıynda altyn qoryn 740 myń troı ýntsııaǵa (shamamen 23 tonna) arttyrdy. Bul sońǵy úsh jyldaǵy bir aı ishindegi eń joǵary ósim boldy, dep habarlaıdy Kazinform agenttiginiń Beıjińdegi menshikti tilshisi.
Qytaı Ortalyq bankiniń altyn qory qyrkúıek aıynyń sońynda 77,47 mln troı ýntsııaǵa jetti. Bul týraly retteýshi organnyń derekterinde kórsetilgen.
Qytaıdyń ortalyq banki baǵaly metaldy satyp alý qarqynyn qatarynan úshinshi aı údetip otyr. Shilde aıynda altyn qory 640 myń ýntsııaǵa, al tamyzda taǵy 650 myń ýntsııaǵa ósti.
Sonymen qatar Qytaıdyń altyn qorynyń dollarmen eseptegendegi quny bir aıda 7,6%-ǵa tómendep, tamyz aıynyń sońyndaǵy 350,08 mlrd dollardan 323,52 mlrd dollarǵa tústi. Altynnyń fızıkalyq kólemi ósken kezde onyń qunynyń tómendeýi álemdik altyn baǵasynyń ózgerýi men aktıvterdi qaıta baǵalaýǵa baılanysty.
Qańtar aıynyń sońynan beri Qytaı Halyq bankiniń altyn qory 3,28 mln ýntsııaǵa (shamamen 102 tonna) ulǵaıdy. Bul fızıkalyq kólemniń 4,4%-ǵa óskenin kórsetedi.
Buǵan deıin Qytaıda 8 myń metrlik uńǵymany burǵylaý aıaqtalǵany týraly jazǵan edik.
